Wajood Apna naa Rooh Apni....

Wajood Apna Naa Rooh Apni....

Bas Ik Tamasha Yeh Zeest Thehri..

Na dil lagi main Sakoon Paayaa,

Na Aashqi main Qaraar Paayaa,

Na Wasal Lamhay Hi Raas Aaye,

Na Firaaq se Hum Guzaar Paaye..

Ajab Yeh Chahat kay Marhalay hain,

Na Jeet Paaye, Na Haar Paaye.

Na hi Yaadon ki Dhunnd Utri,

Na Dil kay Daman ko Jhaar Paaye…

                                    Na Aankhein Khwabon ko Dhoond Paaeen,

Na khawaab Aankhon ko Dhoond Paaye....!

Mohabbat Hai Mujhy Tum Se…

Mohabbat Hai Mujhy Tum Se…

Bas Itna Janta Hun Main

Yeh Kya Hai? Kyun Hai? Kaisey Hai?
Bataoon Kis Tarha Tum Ko?

Chalo Socho Agar Main Tum Se….
Yeh Poochun kisey Kehtay Hain Be-Chayni ?

Agar Koi Makeen Dil ka Chala Jaye Kaheen Kuch Din
To Neendein Kyun Nahi Aateen?

Kabhi Jo baat na ho to

Yeh Saansen Kyun Nahi Aateen?

Koi Jo Dost Pyara Ho Agar Wo Rooth Jaye To…
Hansi Phir Kyun Nahi Aati?

Chalo Itna Bata Do Tum,
Nikalain Machli Pani Se,
To Zinda Kyun Nahi Rehti?

To Phir Tum Ko Bataon Ga,
Mohabbat kaisy hoti hai